ئەمڕۆ (١٣ی ئازار) سەرپەرشتیاری ئیدارەی گەرمیان پێشوازیکرد لە بێستون فایەق، راوێژکاری بەڕێز بافڵ تاڵەبانی سەرۆکی یەکێتی نیشتمانی کوردستان، لە دیداری نێوانیان باس لە کارو پرۆژەکانی ئیدارەی گەرمیان و رۆڵی پەیوەندیەکانی حکومەت و لایەنە سیاسیەکان لە سنورەکە کرا.

لە دیدارەکەدا، بێستون فایەق راوێژکاری سەرۆکی یەکێتی نیشتمانی کوردستان، جەختی لە سیاسەتی یەکێتی نیشتمانی کوردستان کردەوە بۆ پشتیوانیکردنی ئیدارەی گەرمیان و ئامادەتی خۆی پیشاندا بۆ گەیاندنی دەنگی گەرمیانیەکان بە ئامانجی خزمەتکردنی زیاتری سنورەکە.

لای خۆیەوە، جەلال شێخ نوری، سەرپەرشتیاری ئیدارەی گەرمیان، پیرۆزبایی خۆی ئاراستەی (بێستون فایەق) کرد بەبۆنەی دەستبەکاربونیەوە وەک راوێژکاری سەرۆکی یەکێتی نیشتمانی کوردستان و هیوای سەرکەوتنی بۆ خواست، هاوکات باسی لە گرنگی پەیوەندی و هەماهەنگی نێوان ئیدارەی گەرمیان و لایەنە سیاسیەکان کرد و تیشکی خستەسەر کار و پرۆژەکانی ئیدارەی گەرمیان و فەرمانگە حکومیەکانی ناوچەکە بۆ خزمەتی هاوڵاتیان.