سەرپەرشتیاری ئیدارەی گەرمیان سوپاسی ئەو هاوڵاتیانە دەکات کۆمەکیان بۆ هاوڵاتیانی دوزخورماتوو کۆکردۆتەوە
23 / 10 / 2017
ئەمڕۆ (۲۳ی تشرینی یەکەم) ژمارەیەک لە کادیرانی مەڵبەندی یەکێتی نیشتمانی کوردستان سەردانی ئیدارەی گەرمیانیان کرد و ئەوەیان خستەڕوو کۆمەک هاوکاریان لە خانەقینەوە بۆ لێقەوماوانی دوزخورماتوو هێناوە.
ئەو ژمارە کادیرە ئەوەیان راگەیاند، لەگەڵ ئاڵۆزی و شەڕی دوزخورماتوو و ئاوارەبوونی قەزاکە بۆ ناوچەکانی سنوری ئیدارەی گەرمیان، ئەوان لە خانەقین دەستیان کردووە بە کەمپینێک بۆ کۆکردنەوەی هاوکاری بۆ ئەو ئاوارانە.
ئاماژەیان بەوەشدا، ئەوان پێیان خۆش بوو لە رێگەی ئیدارەی گەرمیانەوە هاوکارییەکانیان بگەیەنن بە هاوڵاتیانی دوزخورماتوو.
لەبەرامبەردا سەڵاح کوێخا سەرپەرشتیاری ئیدارەی گەرمیان دەستخۆشی لێکردن بۆ هەوڵەکانیان و کۆکردنەوەی ئەو کۆمەک و هاوکارییانەی لە پەرۆشیاندا بۆ هاوڵاتیانی دوزخورماتوو کۆیان کردۆتەوە.
ووتیشی، لێرەوە سوپاسی هاوڵاتیانی خانەقین و کەلار و کفری و شوێنەکانی تری سنوری ئیدارەی گەرمیان دەکەین کە بە شێوەی خەمخۆرانە و نیشتمانپەروەرانە بەچەندین کەمپینی کۆکردنەوەی کۆمەک و هاوکاری بەدەم هاوڵاتیانی لێقەوماوی دوزخورماتوو چوون.۱
413 جار خوێندراوهتهوه |
|