بەڕێوەبەری فەرمانگەکانی کفری رەتیدەکەنەوە دەستیانلەکارکێشابێتەوە
23 / 6 / 2017
دوای ئەوەی لە چەند رۆژی رابردوودا دەنگۆی دەستلەکارکێشانەوەی بەڕێوەبەری بەڕێوەبەرایەتی و فەرمانگەکانی قەزای کفری بڵاوبوویەوە، لە رونکردنەوەیەکدا بۆ رای گشتی، کە واژوی سەرجەم بەڕێوەبەرەکانی قەزاکەی لەسەر ویڕای ئەوەی دەنگۆی دەستلەکارکێشانەوەیان رەتدەکەنەوە رایدەگەیەنن "لە تۆڕە کۆمەڵایەتییەکان و کەناڵەکانی راگەیاندن وا باس دەکرێت کە ئێمە دەستمان لەکار کێشابێتەوە ئەو هەواڵە دوورە لە راستییەوە".
لەبەشەێکی تری رونکردنەوەکە کە وێنەیەکی دراوەتە سایتی ئیدارەی گەرمیان هاتووە "ئێمە وەک بەڕێوەبەری دام و دەزگاکانی حکومەت لە شاری کفری وێڕای سوربونمان لەسەر داواکارییە رەواکانمان بۆ خزمەتکردنی شاری کفری داواکارین لە بەڕێز جێگری سەرۆکی حکومەت بەڕێز قوباد تاڵەبانی کاربکات بۆ گەڕانەوەی مافی کفری لەو بڕە پارەیەی کە تەرخانکرابوو بۆ پرۆژەکانی گەرمیان، بەمەبەستی تەواوکردنی پرۆژەکانی کفری یان دابینکردنی بودجەیەکی تایبەت بۆ شاری کفری چونکە ئەم شارە شایەنی خزمەتی زیاترە".
ئەم رونکردنەوەی بەڕێوەبەری فەرمانگەکانی کفری لە کاتێکدایە ئیدارەی گەرمیان لە رونکردنەوەی فەرمیدا ئەوەی راگەیاند، کە هیچ بودجەیەک بۆ پرۆژەکانی گەرمیان تەرخان نەکراوە تەنها ئەوە نەبێت حکومەتی هەرێم لەسەر هەوڵەکانی جێگری سەرۆکی حکومەت بڕیاری داوە نە دابینکردنی ۲٤ ملیار دینار بۆ بەگەڕخستنەوەی حەوت پرۆژە لە گەرمیان کە دوو پرۆژەیان ناو شاری کفری دایە.
593 جار خوێندراوهتهوه |
|
|
|