بەروار: 10/11/2025
سەرپەرشتیاری ئیدارەی گەرمیان قایمقامیەتی قەزای کەلاری بەسەرکردەوە ئەمڕۆ سەرپەرشتیاری ئیدارەی گەرمیان لە دیوانی قایمقامیەت قایمقامی قەزای کەلاری بەسەرکردەوە (عارف عادل) قایمقامی قەزای کەلار وێرای بەخێرهاتن خۆشحاڵی خۆی بۆ بەسەرکردنەوەی سەرپەرشتیاری ئیدارەی گەرمیان دەربڕی و سوپاسی پشتیوانی هەماهەنگی بەردەوامی ئیدارەی گەرمیانی کرد لە ڕاییکردنی کاروبارەکانی هاوڵاتیان و پرۆژەکانی قەزای قەزای کەلار دواتر و لە دیداری نێوانیاندا تیشکیان خستە سەر چۆنیەتی بەڕێوەچوونی کاروبارەکانی هاوڵاتیان و دواین ئامادەکارییە ئەمنی و خزمەتگوزارییەکانی ناوەندەکانی دەنگدان و چۆنیەتی بەڕێوەچوونی کاروبارەکانی قایمقایەت.