هەوڵەکان بۆ دۆزینەوەی تەرمی گەنجە خنکاوەکەی گەرمیان چرتر دەکرێتەوە

بەروار: 23/06/2026

هەوڵەکان بۆ دۆزینەوەی تەرمی گەنجە خنکاوەکەی گەرمیان چرتر دەکرێتەوە

ئەمڕۆ ٢٣ی حوزەیران ، سەرپەرشتیاری ئیدارەی گەرمیان لەگەڵ بەڕێوەبەری دام و دەزگا ئەمنییەکان کۆبوەوە ، بەمەبەستی چڕترکردنەوەی هەوڵەکان بۆ دۆزینەوەی تەرمی ئەو گەنجەی کە لەرووباری سیروان خنکا.

سەرپەرشتیاری ئیدارەی گەرمیان لە سەرەتای کۆبوونەوەکەدا وێرای دوپاتکردنەوەی  نیگەرانی خۆی بۆڕووداوەکە، سوپاسی تیمەکانی حکومەت و هاوڵاتیان و خێرخوازانی کرد کە هەوڵی بێووچان و دڵسۆزانەیان ناوە بۆ دۆزینەوەی تەرمی گەنجە خنکاوەکە، بەڵام سرووشتی ڕووبارەکە و بەرفراوانی سنوورەکە وا دەخوازێت بە تیمێکی فراوانتر لە دامودەزگا ئەمنییەکان هاوکاری کارمەندانی بەڕێوەبەرایەتی بەرگری شارستانی بن  بۆ دۆزینەوەی تەرمەکە

بۆ ئەو مەبەستە بەڕێوەبەری فەرمانگەکان ئامادەیی خۆیان دەربڕی بۆ چرترکردنەوەی هەوڵەکانیان ، کارمەندی زیاتر دەخەنە ئەرکەوە بۆ هاوکاری کردنی تیمە تایبەتەکانی گەڕان بەدوای تەرمەکە.