لیژنەی فەرهەنگی عێراقی لە ئیدارەی گەرمیان کۆبووەوە

بەروار: 21/04/2026

ئەمڕۆ (٢١ی نیسانی ٢٠٢٦) بە سەرپەرشتی سەرپەرشتیاری ئیدارەی گەرمیان و ئامادەبوونی جێگری سەرپەرشتیار بۆ کاروباری هونەری، کۆبوونەوەی لیژنەی فەرهەنگی عێراقیی بۆ ناوە جوگرافییەکان لە گەرمیان بەڕێوەچوو.

لە کۆبوونەوەکەدا، بەڕێز جەلال شێخ نوری سەرپەرشتیاری ئیدارەی گەرمیان بەگرنگییەوە لە پرۆژەکەی روانی و  پشتیوانی ئیدارەی گەرمیانی بۆ لیژنەکە دەربڕی بۆ راییکردنی کارەکانیان.

دواتر، لیژنەکە باسیان لە وەردەکاری کارەکان و پێداوسیتیەکانیان کرد و بڕیاردرا رێکاری پێویست بۆ سەرخستنی پرۆژەکە بگیرێتەبەر.

فەرهەنگی ناوە جوگرافییەکانی عێراق پڕۆژەیەکە بۆ بەڵگەنامەکردنی شوێن و تۆپۆگرافی و شارەکان بەپێی ستانداردە نێودەوڵەتییەکان و لەئێستادا لە تەواوی پارێزگاکانی عێراق کاری لەسەر دەکرێت.