ئەمڕۆ (٥ی ئایار) سەرپەرشتیاری ئیدارەی گەرمیان بە ئامادەبوونی ژمارەیەک لە بەڕێوەبەری گشتی و بەڕێوەبەری بەڕێوەبەرایەتیەکان، پێشوازی کرد لە د.میران محمد ئەندامی سەرکردایەتی یەکێتی نیشتمانی کوردستان.

لە دیدارەکەدا، د.میران ئەندامی سەرکەردایەتی یەکێتی باسی لە گرنگی رۆڵی ئیدارەی گەرمیان و فەرمانگەکان کرد بۆ خزمەتی ناوچەکە و جەختیشی لە پاڵپشتی حزبەکەی کردەوە بۆ ئیدارەی گەرمیان و خزمەتگەیاندنی زیاتر بە سنورەکە .

لای خۆشیەوە، جەلال شێخ نوری سەرپەرشتیاری ئیدارەی گەرمیان وێڕای بەخێرهاتن، تیشکی خستەسەر پەیوەندیەکانی ئیدارەی گەرمیان و لایەنە سیاسیەکان، ئەوەشی دوپاتکردەوە، بونی پەیوەندی و هەماهەنگی لە نێوان ئیدارەی گەرمیان و پارتە سیاسیەکان لێکتێگەیشتنی باشی دروستکردەووە بۆ خزمەتی سنورەکەمان.