پەیامی سەرپەرشتیاری ئیدارەی گەرمیان بەبۆنەی مانگی رەمەزانەوە
بەناوی خوای گەورە و میهرەبان
بەبۆنەی هاتنەوەی مانگی رەمەزانی پیرۆزەوە، بەناوی ئیدارەی گەرمیان و سەرجەم یەکە ئیداریەکانەوە، پیرۆزبایی لە تەواوی موسڵمانان و هاوڵاتیان و سەرجەم چین و توێژەکان دەکەین، داواکارین خوای گەورە رۆژو و تاعاتی هەمووان قبوڵ بکات و خێر و بەرەکەتی خۆی بەسەر ووڵاتەکەماندا ببارێنێت.
هیوادارین لەم مانگە پیرۆزەدا گیانی لێیبوردەیی و ئاشتی و ئاسایش و تەبایی زیاتر لەنێو کۆمەڵگەکەماندا بەرقەرار بێت و خۆشگوزەرانی و ئاسودەیی روو لە هەمووان بکات. هەر لەم کاتەدا کە پێشوازی لە مانگی رەمەزان دەکەین ووڵاتەکەمان بە دۆخێکی ناهەمواری سیاسی و دارایی تێدەپەڕێت، ئومێدەوارین ئەم مانگە پیرۆزە ببێتە وێستگەیەک بۆ یەکخستنەوەی هەوڵەکان بۆ چارسەری کێشە و قەیرانەکان و باشتر بوونی دۆخی ژیانی هاوڵاتیانی خۆشەویست.
لێرەوە ئاگاداری سەرجەم فرۆشیاران و بازرگانان دەکەینەوە لە مانگی رەمەزاندا بە قۆرخکاری و گرانفرۆشی باری ژیانی هاوڵاتیان قورس نەکەن، بەپێچەوانەوە هەر فرۆشیار و بازرگانێک نرخی خۆراک و شمەک و کاڵا گران بکات، لێپێچینەوەی یاسایی لەگەڵدا دەکرێت و بۆ ئەو مەبەستەش یەکە ئیدارییەکانمان راسپردووە لەڕێگەی لیژنە هاوبەشەکانەوە چاودێریەکانیان بۆ بازاڕ چڕتر بکەنەوە.
دووبارە مانگی رەمەزان لە هەمووان پیرۆز بێت و هەموو لایەک ئاسودە و سەرفراز بن.
جەلال شێخ نوری
سەرپەرشتیاری ئیدارەی گەرمیان