قایمقامی قەزای کفری ئاشکرایکرد، لە چوارچیوەی هەوڵەکان بۆ بنبڕکردنی حاڵەتەکانی تەقەکردن لە بۆنەکاندا لە ناو کفری، ماوەی چەند رۆژێکە دەستیان کردووە بە هەڵمەتیک بۆ دەستگیرکردنی ئەو کەسانەی تەقە دەکەن.

جەلال نوری قایمقامی قەزای کفری بە سایتی (ئیدارەی گەرمیان)ی راگەیاند: بەهەماهەنگی لەگەڵ دەزگا پەیوەندیدارەکان هەڵمەتێکیان دەستپێکردووە بۆ بنبڕکردنی دیاردەی تەقەکردن، بۆ ئەو مەبەستەش لە رێگەی دادگاوە دەستیان کردووە بە لێپێچینەوە لەگەڵ ئەو هاوڵاتیانەی لە بۆنە جیاوازەکاندا تەقە دەکەن لە ناو کفری.

ووتیشی "لەو چوار چێوەدا دادوەر فەرمانی دەستگیرکردنی بۆ ژمارەیەک هاوڵاتی دەرکردووە و تا ئێستاش سێ کەس دەستبەسەر کراون".