بە ئامادەبونى مەحمود سنگاوى ئەندامى مەکتەبى سیاسى یەکێتى نیشتمانى کوردستان و سەرپەرشتیاری ئیدارەی گەرمیان و سکرتێری کۆمەڵەى پێشمەرگە دێرینەکانى کوردستان و بەرپرسانی حزبی و حکومی سنورەکە، لە مەراسیمێکدا لەهۆڵی بۆنەکانی کەلار مەدالیای رێزلێنانی کۆمەڵەی پێشمەرگە دێرینەکانی کوردستان بەخشرایە سەدان پێشمەرگەی دێرینی ناوچەکە.
لەو مەراسیمەدا، شێرزاد باوەنوری لێپرسراوی لقی گەرمیانی پێشمەرگە دێرینەکانی گەرمیان ووتارێکی پێشکەشکرد و تێدا تیشکی خستە سەر رۆڵی پێشمەرگە دێرینەکان لە رۆژانی خەبات و شۆڕشدا.
راشیگەیاند: وەک رێزلێنان لە خەبات و ماندووبونیان ئەمڕۆ لقی گەرمیانی کۆمەڵەی پێشمەرگە دێرینەکان مەدالیای رێزلێنان دەبەخشێتە ۲۱۲ پێسمەرگەی دێرینی سنوری گەمیان.
هەر لەمەراسیمەکەدا، مەحمود سەنگاوی ئەندامی مەکتەبی سیاسی یەکێتی نیشتمانی کوردستان و بەرپرسی میحوەری گەرمەسێری هێزەکانی پێشمەرگە ووتەیەکی پێسکەسکرد و تێدا باسی لە رۆڵ و نەەردییەکانی پێشمەرگە کرد.
دواتر لە مەراسیمەکەدا، لەلایەن گروپی میوزیکی سەنتەری گەنجانی دەربەندیخان پارچە میوزیکێک پێشکەشکرا.
لە کۆتایی مەراسیمەکەشدا، مەدالیای رێزلێنان بەسەر پێشمەرگە دێرینەکان دابەشکرا.