به‌رێوه‌به‌رایه‌تی گشتی  ته‌ندروستی گه‌رمیان رایده‌گه‌ینێت،  له‌ مانگی شوباتی ئه‌مساڵدا 400 منداڵ له‌ نه‌خۆشخانه‌ی شێره‌ی نه‌قیب له‌ قه‌زای كه‌لار له‌ دایك بوون و پێنج حاڵه‌تی مردنیش تۆماركراوه‌ .

به‌پێی ئامارێكی به‌رێوه‌به‌رایه‌تی گشتی  ته‌ندروستی گه‌رمیان كه‌وێنه‌یه‌كی بۆ سایتی ئیداره‌ی گه‌رمیان نێردراوه‌ هاتووه‌، له‌ ماوه‌ی مانگی رابردوودا له‌ نه‌خۆشخانه‌ی شه‌هید شێره‌ی نه‌قیب بۆ ژنان و مناڵبوون له‌ كه‌لار، (440) حاڵه‌تی له‌دایكبوونی منداڵان تۆماركراوه‌.

له‌ ئاماره‌كه‌ی به‌رێوه‌به‌رایه‌تی گشتی  ته‌ندروستی گه‌رمیان ئه‌وه‌ش رونكراوه‌ته‌وه‌، كه‌ له‌و رێژه‌یه‌ (226) مناڵیان له‌ ره‌گه‌زی نێر و (214) یان له‌ ره‌گه‌زی مێن.

هه‌ر له‌ ئاماره‌كه‌دا ئاماژه‌ به‌وه‌ش دراوه‌، (189) له‌و منداڵانه‌ به‌شێوه‌ی سروشتی و (251) منداڵیشیان به‌ نه‌شته‌رگه‌ریی قه‌یسه‌ریی هاتوونه‌ته‌ دونیاوه‌، هه‌روه‌ك  (5) حاڵه‌تی مردوویی له‌دایكبوانیش تۆماركراوه‌.