رێكخراوی ئەكتیدی فەرەنسی هاوكاری ئاوارەكاني گەرمیان دەكات
16 / 8 / 2014
بەمەبەستی گەیاندنی كۆمەك و هاوكاری بە ئاوارەكانی سنوری ئیدارەی گەرمیان ئەمرۆ(16ی ئاب) سەرپەرشتیاری ئیدارەی گەرمیان لەگەڵ رێكخراوی ئەكتید فەرەنسی سەر بە رێكخراوی نەتەوە یەكگرتووەكان كۆبویەوە.
لەسەرەتای كۆبونەوەكەدا كە لە دیوانی ئیدارەی گەرمیان بەرێوەچوو، رێكخراوی ئەكتیدي فەرەنسی داوایان لە سەرپەرشتیاری ئیدارەی گەرمیان كرد رێگەیان پێ بدات بەدواداچوون بۆ ژمارەی ئەو ئاوارە عەرەبانە بكات كە لە ئێستادا لە سنورەكە نیشتەجێبوون بەمەبەستی گەیاندنی كۆمەك وهاوكاری پێیان.
لەبەرامبەریشدا سەڵاح كوێخا رایگەیاند: ئیدارەی گەرمیان بە هەموو شێوەیەك یارمەتی هەموو رێكخراوێك دەدات كە كۆمەك و هاوكاری رەوانەی ئاوارەكان بكات و تەواوی هەوڵەكانیشمان دەخینە گەر لەو پێناوەدا.
راشیگەیاند: لە ئێستادا بە هاوكاری قایمقامی قەزای كەلار و بەرێوەبەری گشتی شارەوانیەكانی گەرمیان، شوێنك دیاریكراوە كە كەمپێك بۆ ئاوارەكان بكەینەوە بۆ ئەوەی بە زووترین كات هاوكاریەكان بگاتە دەستیان و لە هەمانكاتیشدا سەرجەم رێكخراوەكانی فریاگوزاری بە باشترین شێوە یارمەتیان بدەن.
374 جار خوێندراوهتهوه |
|
|
|